Ўзбекистон элчиси Ўмон Шўро Мажлиси депутати билан парламентлараро ҳамкорлик масалаларини муҳокама қилди
Ўзбекистон элчиси Ўмон Шўро Мажлиси депутати билан парламентлараро ҳамкорлик масалаларини муҳокама қилди
МАСКАТ, 23 декабрь. /"Дунё" АА/. Ўзбекистон элчиси Абдусалом Хатамов 22 декабрь куни Ўмон Шўро Мажлиси (парламентнинг қуйи палатаси) депутати Али ал-Хасаний билан учрашув ўтказди, деб хабар қилмоқда "Дунё" АА мухбири.
Ўмонлик парламентарийга жорий йилнинг 27 октябрь куни Ўзбекистонда парламент сайловлари бўлиб ўтганлиги ва бугунги кунда Олий Мажлис палаталарида хорижий давлатлар парламентлари билан дўстлик гуруҳлари шакллантирилиб, алоқаларни ўрнатиш ва фаоллаштириш ишлари олиб борилаётганлиги ҳақида маълумотлар берилди.
Учрашув давомида Ўзбекистон – Ўмон парламентлараро дўстлик гуруҳларининг фаолиятини ўринга қўйиш ҳамда парламентлар раҳбарлари ва дўстлик гуруҳларининг ўзаро ташрифларини амалга ошириш ва бошқа ҳамкорлик масалалари муҳокама қилинди.
