Ўзбекистон ва Қатар ТИВ раҳбарлари Доҳада ўтказилган музокараларда стратегик шерикликнинг икки томонлама муносабатлари янги суръатлар билан ривожланаётганини қайд этдилар

Ўзбекистон ва Қатар ТИВ раҳбарлари Доҳада ўтказилган музокараларда стратегик шерикликнинг икки томонлама муносабатлари янги суръатлар билан ривожланаётганини қайд этдилар

ТОШКЕНТ, 4 октябрь. /"Дунё" АА/. Ўзбекистон ташқи ишлар вазири Бахтиёр Саидов кеча Доҳа шаҳрида Қатар Бош вазири ва ташқи ишлар вазири Шайх Муҳаммад бин Абдулраҳмон бин Жасим Ол Соний билан учрашди, деб хабар қилмоқда "Дунё" АА мухбири.

"Бугун Доҳа шаҳрида Қатар Бош вазири ва ташқи ишлар вазири Шайх Муҳаммад бин Абдулраҳмон бин Жасим Ол Соний Жаноби Олийлари билан учрашишдан мамнунмиз, – деб ёзди Ўзбекистон ТИВ раҳбари ўзининг telegram-каналида. – Давлатларимиз раҳбарлари ўртасида эришилган барча келишувларнинг ўз вақтида рўёбга чиқарилишини бафуржа кўриб чиқдик. Ўзбекистон–Қатар стратегик шериклигининг икки томонлама муносабатлари янги суръатлар билан ривожланаётганини қайд этдик. Ҳар томонлама ҳамкорлик кун тартибини барча йўналишларда янада кенгайтириш юзасидан самимий суҳбат ўтказдик".