Ўзбекистон ТИВ раҳбарининг маслаҳатчиси ва Ўмон элчиси келгусида қўшма лойиҳаларни амалга ошириш масалаларини муҳокама қилдилар

Ўзбекистон ТИВ раҳбарининг маслаҳатчиси ва Ўмон элчиси келгусида қўшма лойиҳаларни амалга ошириш масалаларини муҳокама қилдилар

ТОШКЕНТ, 7 февраль. /"Дунё" АА/.  Ўзбекистон ташқи ишлар вазирининг маслаҳатчиси Мунира Аминова 5 февраль куни Ўмон элчиси Вафо ал-Бусаиди билан учрашув ўтказди, деб хабар қилмоқда "Дунё" АА мухбири.

ТИВ маълумотига кўра, учрашувда иқтисодий дипломатия соҳасида ҳамкорлик истиқболлари, жумладан, келгусида Ўзбекистонда грантлар ва молиявий-техник кўмак жалб қилинган ҳолда қўшма лойиҳаларни амалга ошириш масалалари муҳокама қилинди.

Асосий эътибор соғлиқни сақлаш, таълим, қишлоқ хўжалиги, атроф-муҳит ва бошқа муҳим соҳаларда лойиҳаларни амалга оширишга қаратилишига келишиб олинди.