O‘zbekiston Savdo-sanoat palatasida tadbirkor ayollarning O‘mon Sultonligi Favqulodda va muxtor elchisi Vafo Jabr Nosir Al-Busaidiy xonim bilan uchrashuvi tashkil etildi.

O‘zbekiston Savdo-sanoat palatasida tadbirkor ayollarning O‘mon Sultonligi Favqulodda va muxtor elchisi Vafo Jabr Nosir Al-Busaidiy xonim bilan uchrashuvi tashkil etildi.

Suhbat chog‘ida ishbilarmonlarimizning O‘monga tashrifidan ko‘zlangan maqsad, kutilayotgan natija va kelgusi hamkorlik masalalari muhokama qilindi.

O‘z navbatida Elchi davlatimiz rahbari boshchiligida yurtimizda xotin-qizlar tadbirkorligini qo‘llab-quvvatlashga qaratilayotgan alohida e’tibor, ayni yo‘nalishda olib borilayotgan islohotlarni yuqori baholab, o‘zaro sheriklikda ayollar tashabbuslari muhim o‘rin tutishini ta’kidladi.

– O‘zbekistonda ish boshlagan ilk kunlarimdayoq yuragim tubida ikki davlat ayol tadbirkorlarini qo‘llab-quvvatlashga hissa qo‘shishni niyat qilgandim, – deydi Vafo Al-Busaidiy xonim. – Shu bois hamkorligimiz rivojlanayotganidan juda mamnunman.

Uchrashuvda tashrifni yuqori saviyada tashkil etish va o‘tkazish bo‘yicha rejali ishlarni birga davom ettirishga kelishib olindi.