Ўзбекистоннинг Ўмондаги элчихонаси кўмагида Бухоро давлат университетининг халқаро ҳамкорлик масалалари бўйича проректори Аброр Жўраев ва Султон Қобус университети ректорининг халқаро ҳамкорлик алоқалар бўйича ўринбосари Саййида Мона бинт Фаҳд Ол Саид ўртасида учрашув ташкил этилди.

Ўзбекистоннинг Ўмондаги элчихонаси кўмагида Бухоро давлат университетининг халқаро ҳамкорлик масалалари бўйича проректори Аброр Жўраев ва Султон Қобус университети ректорининг халқаро ҳамкорлик алоқалар бўйича ўринбосари Саййида Мона бинт Фаҳд Ол Саид ўртасида учрашув ташкил этилди.

Учрашувда ҳар икки университет ҳақида маълумот алмашилди ва ўзаро ҳамкорлик истиқболлари кўриб чиқилди.

Жорий йилда Султон Қобус университетида Ўзбекистон кунларини ўтказиш, юртимиз салоҳиятига бағишланган алоҳида бурчак ташкил қилиш, математика, ахборот технологиялари, физика, кимё, қишлоқ хўжалиги, спортнинг кўплаб турлари бўйича талаба ва ўқитувчилар алмашинув дастурини йўлга қўйиш масалалари юзасидан фикр алмашилди.

Ректор ўринбосари Саййида Мона бинт Фаҳд Ол Саид икки университет кўплаб йўналишларда бир-бирига яқин қарашларга эга эканини таъкидлаш баробарида, биргаликда турли лойиҳалар устида ишлашга тайёрлигини маълум қилди.

Ўмон томонига шу июль ойида Самарқанд шаҳрида бўлиб ўтадиган ЮНЕСКО Бош конференциясининг 43-сессиясида ва 3-5 октябрь кунлари ташкил этиладиган Бухоро давлат университетининг 95-йиллигига бағишланган тадбирларда иштирок этишга таклифи билдирилди.