2025 йил 24 февралда Ўзбекистоннинг Ўмондаги Элчихонаси томонидан Ўмон Султонлигидаги Болалар жамоат кутубхонасида қизиқарли ва маърифий мастер-класс ташкил этилди.

Тадбир давомида 13 ёшдан 16 ёшгача бўлган болалар Ўзбекистоннинг бой маданияти ва тарихини ўрганиб, ижодий сессияда ўз санъат асарларини яратдилар.

Мастер-класс қатнашчилари Ўзбекистоннинг тарихий шаҳарлари, буюк олимлари ва анъаналари билан танишдилар, миллий таомлар — ош ва сомсани татиб кўрдилар. Ушбу тадбир маданий алмашув ва ўзаро ҳамкорликни мустаҳкамлашга йўналтирилган бўлиб, ёшлар ўртасидаги алоқаларни янада мустаҳкамлашга ҳисса қўшди.

Тадбир якунида ўмонлик бўлажак ҳамкорларимизга Ўзбекистонни эслатувчи совғалар ҳадя қилинди.