"Oman Trading Establishment" компанияси раҳбари Саад Суҳайл Баҳван (Ўмон) Ўзбекистон мустақиллигининг 34 йиллиги арафасида "Дунё" АА учун берган интервьюсида Ўзбекистон Президенти Шавкат Мирзиёев томонидан мамлакатимизда амалга оширилаётган ислоҳотларнинг самарали натижалари ҳақидаги фикрларини билдирди:

"Oman Trading Establishment" компанияси раҳбари Саад Суҳайл Баҳван (Ўмон) Ўзбекистон мустақиллигининг 34 йиллиги арафасида "Дунё" АА учун берган интервьюсида Ўзбекистон Президенти Шавкат Мирзиёев томонидан мамлакатимизда амалга оширилаётган ислоҳотларнинг самарали натижалари ҳақидаги фикрларини билдирди:

– Ўзбекистонга биринчи марта 15 йил олдин борган эдим. Шу йил май ойида Тошкентда бўлиб ўтган муҳим сармоявий форумда иштирок этиш учун Ўзбекистонга қайтдим. Ташриф чоғида Президент Шавкат Мирзиёев билан учрашиш шарафига муяссар бўлдим. Биз Ўзбекистон етакчиси билан учрашишни илтимос қилдик, у рози бўлди. Унинг қанчалик камтар экани, хорижлик сармоядорларни Ўзбекистонга келишга рағбатлантиришни чин дилдан истаётгани мени ҳайратда қолдирди.

Президент мамлакат келажагини аниқ ва шаффоф кўрсатмоқда.

Бу ишонч ва илҳом бахш этади. Унинг мақсадлари аниқ белгиланган. Давлатингиз раҳбари Ўзбекистонни саноатда ҳам, туризмда ҳам, бошқа соҳаларда ҳам ривожланган мамлакат сифатида кўрмоқчи. Тадбиркорлар ва хорижий инвесторларни бу ерга келиб ишлашга ундамоқда.

Бу албатта, бизни ҳам руҳлантирди. Давлатингиз раҳбарининг хорижий инвесторлар билан очиқ ва самарали мулоқот қилиш истагини намоён этиши ҳурматга сазовордир. Буни шахсан мен унинг буюк шахси ва ҳукумати мисолида кўрдим.

Шунингдек, бу ернинг одамлари чиндан ҳам ажойиб ва меҳмондўст экан. Улар мамлакатга келган ҳар бир чет элликни кўришдан чин дилдан хурсанд бўлишади. Улар оптимистик, ҳар доим ёрдам беришга ва ҳар қандай вазиятда қўллаб-қувватлашга тайёр.

Чет элликларнинг дўстона муносабати, ўзбек халқининг камтарлиги ва очиқлиги бизни чинакамига гўзал Ўзбекистонга фаол сармоя киритишга ундади.

Таъкидлаганимдек, Ўзбекистонга 15 йил аввал ташриф буюрган эдим, биринчи ташриф билан ҳозиргиси ўртасидаги фарқ ҳақиқатан ҳам сезиларли. Ривожланишни ва ҳақиқий ўзгаришларни кўришингиз мумкин. Кўплаб хорижий инвесторлар пайдо бўлди. Ўзбекистон ҳақиқатан ҳам инвесторлар хавфсизлиги ва барқарорлиги билан таъминланган – гўзал ва дўстона одамлар мамлакатидир.

Ўзбекистонда истиқболли сармоявий лойиҳалар мавжудлигига гувоҳ бўлдик. Инвестицион салоҳиятга эга ҳар қандай ғоя даромад ва фойда келтириши мумкин.

Ўзбекистон ҳукумати билан ҳамкорлик барча даражаларда – маъмурий тизимларда ҳам, лойиҳаларни муҳокама қилиш ва ўрганишга бағишланган йиғилишларда ҳам яққол намоён бўлмоқда.

Сўзим якунида, Ўзбекистонга ёруғ келажак ва мустаҳкам тараққиёт тилайман.