Joriy yilning 30-noyabr kuni O‘zbekistonning O'mon Sultonligidagi Elchisi Abdusalom Xatamov O'mon Sultonligining mehnat vaziri, hurmatli Prof. Mahad Baavin janoblari bilan samimiy va o‘zaro manfaatli uchrashuv o‘tkazdi. Suhbat chog‘ida kadrlar tayyorlash sohasida hamkorlik qilish, o‘zaro tajriba almashish, shuningdek, sohaga mas’ul rahbarlarning o‘zaro tashriflarini tashkil etish masalalari atroflicha muhokama qilindi.

Shu bilan birga, joriy yilning 23–25 iyun kunlari Samarqand shahrida bo‘lib o‘tgan Davlat xizmati bo‘yicha BMT forumida Pr.Mahad Baavin janoblarining ishtiroki, hamda bir qator o‘zbekistonlik rahbarlar bilan amalga oshirgan uchrashuvlari biz uchun katta sharaf bo‘ldi deya A.Xatamov tomonidan alohida minnatdorchilik bildirildi.