
Joriy yilning 2-fevral kuni O‘zbekiston Respublikasining O‘mon Sultonligidagi Favqulodda va Muxtor Elchisi Abdusalom Xatamov O‘mon Sultonligi Qishloq xo‘jaligi, baliqchilik va suv resurslari vaziri o‘rinbosari janob Ali al-Ibri bilan uchrashuv o‘tkazdi.
Uchrashuv davomida qishloq xo‘jaligi sohasida ikki tomonlama hamkorlikning dolzarb masalalari yuzasidan fikr almashildi. Shuningdek, qishloq xo‘jaligi, oziq-ovqat xavfsizligi hamda zamonaviy texnologiyalarni joriy etish yo‘nalishlarida o‘zaro hamkorlikni rivojlantirish istiqbollari muhokama qilindi.