2026 yil 7 - 13 iyul kunlari O‘mon Savdo-sanoat palatasi Direktorlar kengashi a’zosi, uning ad-Daxiliya filiali raisi Saif bin Nosir at-Taivoni boshchiligidagi biznes-delegatsiya investitsiya imkoniyatlarini o‘rganish va ikki tomonlama ishbilarmonlik hamkorligini rivojlantirish maqsadida O‘zbekistonga tashrif buyurdi.
 

Tashrif doirasida O‘zbekiston investitsiyalar, sanoat va savdo vazirining o‘rinbosari, Samarqand viloyati hokimining o‘rinbosari, Samarqand viloyati Savdo-sanoat palatasi rahbariyati hamda mahalliy tadbirkorlar bilan uchrashuvlar tashkil etildi.

Tomonlar sanoat, infratuzilma, turizm, oziq-ovqat xavfsizligi va boshqa ustuvor yo‘nalishlarda qo‘shma loyihalarni amalga oshirish istiqbollarini muhokama qildilar.

Delegatsiya, shuningdek, Toshkent shahridagi O‘mon Elchixonasi va UzOman Investment Company ga tashrif buyurdi.
 

Tashrif O‘zbekiston va O‘mon Sultonligining ishbilarmonlik aloqalarini yanada mustahkamlash va ikki tomonlama hamkorlikni kengaytirishga bo‘lgan o‘zaro manfaatdorligini yana bir bor tasdiqladi.