O'zbekiston Respublikasining O‘mondagi elchixonasi

Elchixona yangiliklari

Ўмон Султонлиги, Кения, Ливан ва Яман республикаларидаги Ўзбекистон фуқаролари диққатига!

Ҳурматли юртдошлар,

Минтақадаги вазият кескинлашиб бораётгани муносабати билан Ўмон, Кения, Ливан ва Яман ҳудудларида бўлиб турган Ўзбекистон фуқароларидан шахсий хавфсизлик чораларига алоҳида эътибор қаратишларини сўраймиз.

O‘zbekistonning O'mon Sultonligidagi Elchisi Abdusalom Xatamov O‘monda turizm sohasida yetakchi kompaniyalardan biri — E-Travel & Tours shirkatining Bosh menejeri Ejas Kazi bilan uchrashuv o‘tkazdi.

Uchrashuv davomida turizm sohasida o‘zaro manfaatli hamkorlikni rivojlantirish, yangi yo‘nalishlarni yo‘lga qo‘yish va istiqbolli loyihalarni amalga oshirish masalalarini muhokama qildilar.

O‘zbekistonning O'mon Sultonligidagi Elchisi Abdusalom Xatamov O'monning mashhur sayyohi dunyoning 80 dan ortiq mamlakatlarida, jumladan Oʻzbekistonda ham safarda bo‘lgan, qadimiy Nizva shahrining hurmatli va e’tiborli vakillaridan biri — sayohatchi Nosir al-Nu’moniy bilan samimiy va mazmunli uchrashuv o‘tkazdi.

Uchrashuv davomida turizm sohasidagi hamkorlikni yanada faollashtirish, sayyohlar almashinuvini kengaytirish hamda ikki tomonlama manfaatli tashabbuslarni amalga oshirish masalalari atroflicha muhokama qilindi.

O‘zbekistonning O'mondagi Elchisi Abdusalom Xatamov Livan Respublikasining O‘mon Sultonligiga tayinlangan yangi elchisi Majdi Ramadonni O‘zbekiston Elchixonasida qabul qildi.

Uchrashuv davomida O‘zbekiston va Livan o‘rtasidagi munosabatlarni turli sohalarda izchil rivojlantirish, o‘zaro manfaatli hamkorlikni kengaytirish hamda yangi istiqbolli yo‘nalishlarni belgilab olish masalalari atroflicha muhokama qilindi.

O‘zbekistonning O‘mon Sultonligidagi Favqulodda va Muxtor Elchisi Abdusalom Xatamov O‘monning nufuzli tadbirkorlaridan biri, Al Siyabi International Group kompaniyasi boshqaruv kengashi raisi Shayx Salim Ali al-Siyabiy bilan uchrashuv o‘tkazdi.

Muloqot chog‘ida ikki tomonlama hamkorlikni kengaytirish istiqbollari muhokama qilindi. O‘mon Sultonligida ko‘chmas mulk va investitsiya loyihalarida faol ishtirok etib kelayotgan Shayx Salim Ali al-Siyabiy O‘zbekiston bilan yangi hamkorlik yo‘nalishlarini ko‘rib chiqishga qiziqish bildirdi.

2026 yil iyun oyidan boshlab Oman Air — Oman Sultonligining milliy aviakompaniyasi — Muscat–Tashkent–Muscat yo‘nalishi bo‘yicha muntazam to‘g‘ridan to‘g‘ri reyslarni yo‘lga qo‘yadi.

Maskat va Toshkent o‘rtasida to‘g‘ridan to‘g‘ri aviaqatnovning ochilishi savdo-iqtisodiy aloqalar, investitsiyalar, turizm va madaniy almashinuv sohalarida hamkorlikni kengaytirish uchun yangi imkoniyatlar yaratadi. Mazkur reys ikki mamlakat o‘rtasidagi ishbilarmonlik faolligini oshirish, sayyohlar oqimini ko‘paytirish hamda xalqlar o‘rtasidagi do‘stona rishtalarni yanada mustahkamlashga xizmat qiladi.

O‘zbekiston Respublikasining O‘mon Sultonligidagi Favqulodda va Muxtor Elchisi Abdusalom Xatamov WJ Towell LLC shirkati direktori Murtado Ahmad Sulton bilan uchrashuv o‘tkazdi.

Uchrashuv davomida tomonlar to‘qimachilik mahsulotlari eksporti sohasidagi hamkorlik masalalarini muhokama qildilar hamda mazkur yo‘nalishda savdo aloqalarini kengaytirish yuzasidan fikr almashdilar.

O‘zbekiston Respublikasining O‘mon Sultonligidagi Favqulodda va Muxtor Elchisi Abdusalom Xatamov AFOUQ Investment & Development United kompaniyasi rahbari, O‘mon Savdo va sanoat palatasi boshqaruv kengashi a’zosi hamda ushbu palataning Turizm qo‘mitasi raisi Sixam al-Xarsiy bilan uchrashuv o‘tkazdi.

Uchrashuv davomida tomonlar turizm sohasida ikki tomonlama hamkorlikni yanada rivojlantirish masalalarini muhokama qildilar.

Joriy yilning 18-fevral kuni O‘zbekiston Respublikasining O‘mon Sultonligidagi Favqulodda va Muxtor Elchisi Abdusalom Xatamov O‘mon sultoni devonining Diwan of the Royal Court Protokol rahbari janob Muhammad al-Sarimiy bilan uchrashuv o‘tkazdi.

Uchrashuv davomida tomonlar O‘zbekiston va O‘mon o‘rtasidagi ikki tomonlama aloqalarni yanada rivojlantirishga doir qator masalalarni muhokama qildilar.

Joriy yilning 17-fevral kuni O‘zbekistonning O‘mon Sultonligidagi Elchixonasi tomonidan Samarqand viloyati hokimi o‘rinbosari Xurshid Samiyev hamda Shri-Lankaning sobiq Atrof-muhit vaziri, turli mamlakatlardan salohiyatli investorlarni jalb etish imkoniyatiga ega bo‘lgan Nasser Ahamed o‘rtasida onlayn uchrashuv tashkil etildi.

Uchrashuvdan ko‘zlangan asosiy maqsad Samarqand viloyatining investitsiya salohiyatini yanada kengaytirish hamda o‘zaro hamkorlikning yangi yo‘nalishlarini belgilab olishdan iborat bo‘ldi.