Elchixona haqida

Oʼzbekiston Respublikasining Masqat shahridagi elchixonasi 2018 yil iyul oyida oʼz faoliyatini boshlagan. Elchixona ochilishi Oʼzbekiston Respublikasi Prezidenti Shavkat Mirziyoevning tashabbusi va tashqi siyosatda mintaqaviy hamda global hamkorlikni rivojlantirish borasidagi islohotlar doirasida amalga oshirildi.

Oʼzbekiston va Oʼmon oʼrtasidagi diplomatik munosabatlar izchil rivojlanib bormoqda. Ikki mamlakat oʼrtasidagi hamkorlikning muhim bosqichlaridan biri — 2009 yil 4–6 oktyabr kunlari Oʼzbekiston Respublikasi Prezidenti Islom Karimovning Oʼmon Sultonligiga amalga oshirgan davlat tashrifi boʼldi. Tashrif doirasida siyosiy, iqtisodiy va madaniy sohalarni qamrab olgan 19 ta hukumatlararo va idoralararo hujjatlar imzolandi.

Oʼmon Sultonligining Oʼzbekistondagi elchixonasi Toshkent shahrida 2010 yil aprel oyidan faoliyat yuritib kelmoqda. Bu ikki tomonlama munosabatlarni yanada mustahkamlashga xizmat qilmoqda.